ایشیز سیریز: انگلینڈ اور آسٹریلیا میں تناؤ، میڈیا بھی میدان میں آ گیا

اخبار کے پہلے صفحے پر ہیڈ کی اپنی اہلیہ اور بیٹی کے ساتھ تصویر بھی نمایاں شائع کی گئی، اور طنزیہ انداز میں لکھا گیا کہ “20,000 غمزدہ انگلینڈ فینز کو تین دن کی چھٹی مل گئی”۔

خیال رہے کہ پرتھ ٹیسٹ میں آسٹریلوی ٹیم پہلی اننگز میں صرف 132 رنز بنا سکی تھی، جس میں بین اسٹوکس نے شاندار بولنگ کرتے ہوئے 5 وکٹیں حاصل کیں۔

برائڈن کاس نے 3 وکٹیں، اور جوفرا آرچر نے 2 وکٹیں اپنے نام کیں۔

مگر اگلے ہی دن کہانی بدل گئی، اور ٹریوس ہیڈ نے اپنی دوسری اننگز میں انگلش بولرز کی کھل کر پٹائی کی۔

83 گیندوں پر 16 چوکے اور 4 چھکے کی مدد سے ہیڈ نے 123 رنز بنائے۔ ان کی جارحانہ بیٹنگ نے انگلینڈ کی امیدوں پر پانی پھیر دیا، اور آسٹریلوی ٹیم نے میچ 8 وکٹوں سے جیت لیا۔

ٹاس جیت کر پہلے بیٹنگ کا فیصلہ کرنے والی انگلینڈ ٹیم نے اپنی پہلی اننگز میں 172 رنز بنائے، جبکہ آسٹریلیا 132 رنز پر سمٹ گئی، جس سے وہ 40 رنز کے خسارے میں چلی گئی۔

انگلینڈ نے دوسری اننگز میں 164 رنز بنائے اور آسٹریلیا کو 205 رنز کا ہدف دیا، جسے آسٹریلوی ٹیم نے صرف 2 وکٹوں کے نقصان پر حاصل کر لیا۔