قومی ٹی ٹوئنٹی ٹیم کے کپتان سلمان آغا نے اہلیہ کی سوشل میڈیا پر کی گئی معنی خیز پوسٹ پر اپنا ردعمل دے دیا ہے۔ سہ ملکی سیریز کے آغاز سے قبل پریس کانفرنس میں ایک صحافی نے سلمان آغا سے سوال کیا کہ اہلیہ کی پوسٹ میں وہ کون سی بات ہے جو صرف آپ اور بابر اعظم ہی جانتے ہیں۔
اس پر سلمان آغا مسکراتے ہوئے جواب دیا، "ابھی وقت نہیں آیا۔"
واضح رہے کہ قومی کرکٹ ٹیم کے اسٹار بلے باز بابر اعظم نے سری لنکا کے خلاف دوسرے ایک روزہ میچ میں اپنی 83 اننگز کے طویل انتظار کے بعد پہلی انٹرنیشنل سنچری اسکور کی تھی۔
میچ کے بعد سلمان آغا نے بھی بابر اعظم کو گلے لگا کر مبارکباد دی تھی۔
سلمان آغا کی اہلیہ صبا سلمان نے انسٹاگرام اسٹوری میں سلمان آغا کی بابر اعظم کے ساتھ گلے لگے ہوئے تصویر شیئر کی تھی، جو سوشل میڈیا پر کافی پسند کی گئی۔
انہوں نے کیپشن میں لکھا تھا کہ ’کچھ ایسی چیزیں ہیں جو ان دو کے علاوہ کوئی نہیں جانتا، شاید کبھی وہ لوگوں کے بتادیں لیکن فی الحال بابر بھائی کو کامیابی پر مبارکباد، سلمان آغا میں آپ کو ہمیشہ ایک سچا دوست ملے گا‘۔
