سابق آسٹریلوی فاسٹ بولر گلین میگرا کو کمنٹری پینل سے فارغ کر دیا گیا ہے۔ آسٹریلوی میڈیا کے مطابق قومی براڈکاسٹر ادارے نے گلین میگرا کو ریڈیو کمنٹری پینل سے الگ کیا، اور یہ فیصلہ ایشیز کے آغاز سے صرف دو روز قبل کیا گیا۔
میڈیا رپورٹس کے مطابق، گلین میگرا کو جوئے کی کمپنی کے ساتھ تعلق کے باعث پینل سے ہٹایا گیا۔
بتایا گیا ہے کہ ان کا آن لائن جوئے کی کمپنی کے ساتھ تعلق موجود تھا، جو ادارے کی پالیسی کے خلاف ہے۔
قومی براڈکاسٹر کے مطابق، ملازمین کا جوئے کی کمپنیوں کے ساتھ کوئی تعلق نہیں ہونا چاہیے۔ گلین میگرا کا یہ تعلق فاؤنڈیشن کی سپورٹ کے لیے قائم کیا گیا تھا۔
ادارے نے اعلان کیا کہ گلین میگرا کے ساتھ راستے باہمی رضامندی سے جدا کیے گئے ہیں۔
واضح رہے کہ 2022 میں سابق فاسٹ بولر میچل جانسن بھی ادارے کی اسی پالیسی کا شکار ہو چکے ہیں۔
