لاہور کے علاقے مناواں میں جنڈیالہ روڈ پر ایک ڈرون گر گیا۔ پولیس کے مطابق، انہیں شبہ ہے کہ یہ ڈرون منشیات کی سمگلنگ کے لیے استعمال کیا جا رہا تھا۔
پولیس نے فوراً ڈرون کو قبضے میں لے لیا اور تحقیقات کا آغاز کر دیا ہے۔ اس سے قبل بھی منشیات کی سمگلنگ کے لیے ڈرونز کے استعمال کی اطلاعات مل چکی ہیں۔ حساس ادارے بھی اس واقعے کی تحقیقات میں مصروف ہیں۔
پولیس کا کہنا ہے کہ یہ ڈرون پرائیویٹ لگ رہا ہے اور تحقیقات کے بعد مزید حقائق سامنے آئیں گے۔
ایس پی کینٹ نے اس معاملے پر مزید تفصیلات دینے کی بات کی ہے اور کہا کہ تحقیقات کی بنیاد پر تمام حقائق عوام کے سامنے لائے جائیں گے۔
