آئی سی سی ٹی ٹوئنٹی ورلڈکپ 2026 سے قبل فل ممبر ٹیموں کی تیاریاں آخری مرحلے میں پہنچ گئیں۔ ٹی ٹوئنٹی ورلڈکپ 7 فروری سے 8 مارچ بھارت اور سری لنکا میں کھیلا جائے گا، اور اس سے قبل کسی فل ممبر ٹیم کی مزید سیریز کا امکان نہیں ہے۔
پاکستان ٹیم ورلڈکپ سے قبل 6 میچز کھیلے گی، جن میں 3 میچز جنوری میں سری لنکا میں اور 3 میچز ہوم گراؤنڈ پر آسٹریلیا کے ساتھ ہوں گے۔
افغانستان، بنگلہ دیش، آئرلینڈ اور زمبابوے ٹی ٹوئنٹی ورلڈکپ سے قبل کوئی میچ نہیں کھیلیں گے۔
آسٹریلیا پاکستان کے خلاف 3 میچز کی سیریز کھیلے گا، جبکہ انگلینڈ سری لنکا میں 3 میچز کی سیریز جنوری میں کھیلنے والا ہے۔
بھارت ہوم گراؤنڈ پر 5 میچز کی سیریز کھیل رہا ہے اور جنوری میں نیوزی لینڈ کے خلاف 5 میچز کی ہوم سیریز ہوگی۔ جنوبی افریقہ بھارت میں سیریز کھیلے گا اور ویسٹ انڈیز 3 میچز کے لیے جنوبی افریقہ کا دورہ کرے گی۔
دسمبر جنوری میں بھارتی ٹیم سب سے زیادہ 10 ٹی ٹوئنٹی میچز کھیلے گی، جنوبی افریقہ کی ٹیم کو 8 ٹی ٹوئنٹی میچز کھیلنے کا موقع مل رہا ہے جب کہ پاکستان کرکٹ ٹیم ٹی ٹوئنٹی ورلڈکپ سے قبل 6 ٹی ٹوئنٹی میچز کھیلے گی۔
میزبان سری لنکن کرکٹ ٹیم بھی ہوم گراونڈ پر 6 میچز کھیلے گی اور نیوزی لینڈ کرکٹ ٹیم 5 ٹی ٹوئنٹی میچز کھیلے گی۔
آسٹریلیا، انگلینڈ اور ویسٹ انڈیز کو3 ، 3 ٹی ٹوئنٹی میچز مل رہے ہیں۔
