انٹرنیشنل کرکٹ کونسل (آئی سی سی) نے ٹی ٹوئنٹی ورلڈ کپ کے گروپس اور پاک بھارت میچ کی تفصیلات سامنے لے آئیں۔ آئی سی سی کی جانب سے باضابطہ شیڈول 25 نومبر کو جاری کیا جائے گا۔ میڈیا رپورٹ کے مطابق 20 ٹیموں کو 4 گروپس میں تقسیم کیا جائے گا، ہر گروپ میں 5 ٹیمیں شامل ہوں گی۔ ہر گروپ سے ٹاپ دو ٹیمیں سپر 8 مرحلے کے لیے کوالیفائی کریں گی۔
پاکستان اور بھارت ایک ہی گروپ میں شامل ہیں، اور ان کا مقابلہ 15 فروری کو کولمبو میں ہوگا۔ امکان ہے کہ اس گروپ میں نیدرلینڈز، نمیبیا اور یو ایس اے بھی شامل ہوں گے۔
مشترکہ میزبان سری لنکا کے گروپ میں آسٹریلیا، زمبابوے، آئرلینڈ اور عمان شامل ہونے کا امکان ہے۔
ایک اور گروپ میں انگلینڈ، ویسٹ انڈیز، بنگلادیش، نیپال اور اٹلی کی ٹیمیں شامل ہوں گی، جبکہ جنوبی افریقہ، نیوزی لینڈ، افغانستان، یو اے ای اور کینیڈا کا ایک اور گروپ متوقع ہے۔
ٹی ٹوئنٹی ورلڈ کپ 7 فروری سے 8 مارچ تک کھیلا جائے گا۔ بھارت میں میچز ممبئی، کولکتہ، چنائی، دہلی اور احمد آباد میں ہوں گے، جبکہ سری لنکا میں میچز کولمبو اور کینڈی میں کھیلے جائیں گے۔
پاکستان اپنی تمام میچز سری لنکا میں کھیلے گی۔
فائنل کے لیے احمد آباد کو منتخب کیا گیا ہے، مگر اگر پاکستان فائنل تک پہنچتی ہے تو میچ کولمبو میں ہوگا۔ سیمی فائنلز کے لیے ممبئی اور کولکتہ کو منتخب کیا گیا ہے، لیکن سیمی فائنلسٹ ٹیموں کے مطابق وینیو کا تعین ہوگا۔ پاکستان کے سیمی فائنل میں پہنچنے کی صورت میں یہ میچ سری لنکا میں ہی کھیلا جائے گا۔
