بلوچستان کے علاقے سوئی میں کالعدم تنظیم کے کمانڈر وڈیرہ نور علی چاکرانی سمیت 100 سے زائد شدت پسندوں نے ہتھیار ڈال کر قومی دھارے میں شمولیت کا اعلان کیا ہے۔
حکام کے مطابق مسلح افراد نے ہتھیار پھینک کر پاکستان کا جھنڈا تھام کر ریاست سے وفاداری کا حلف لیا،کمانڈر وڈیرہ نور علی چاکرانی اور ان کے ساتھیوں نے اسلحہ میر آفتاب احمد بگٹی کے حوالے کیا۔
تقریب پاکستان ہاؤس سوئی میں میر آفتاب بگٹی کی موجودگی میں منعقد ہوئی، یہ واقعہ ڈیرہ بگٹی میں امن و استحکام کی طرف ایک بڑا سنگِ میل قرار دیا جا رہا ہے۔
