یوٹیوبر سعد الرحمان المعروف ڈکی بھائی کی گرفتاری پر یوٹیوبر رجب بٹ کا ردِعمل بھی سامنے آ گیا۔
ڈکی بھائی ان دنوں قانونی کارروائی کی زد میں ہیں کیونکہ انہیں قانون نافذ کرنے والے اداروں نے بیٹنگ ایپ کیس میں حراست میں لیا ہوا ہے۔
انہیں جسمانی ریمانڈ پر رکھا گیا ہے جبکہ ان کے خلاف تحقیقات کا عمل جاری ہے۔
تاہم اب ڈکی کے سابق دوست رجب بٹ نے ان کی گرفتاری پر ردعمل دیتے ہوئے کہا ہے۔
کہ وہ سمجھتے ہیں کہ ڈکی بھائی کو کیوں گرفتار کیا گیا لیکن قانون سب کے لیے برابر ہونا چاہئے۔
رجب نے کہا کہ ہم سب نے دیکھا ہے کہ پی ایس ایل کے تمام کھلاڑیوں کے پاس بیٹنگ ایپ کے لوگو والی جرسیاں تھیں جب قومی ٹیلی ویژن پر اشتہارات چل رہے تھے۔
ایجنسیاں بڑی مچھلیوں کے پیچھے کیوں نہیں لگ رہی؟ انہوں نے مزید کہا کہ ہوسکتا ہے۔
کہ سیکڑوں انفلوئنسرز نے ان ایپس کی پروموشن کی ہو اور ایجنسیاں انہیں صرف اس لیے نشانہ بنا رہی ہیں کیونکہ انہیں گرفتار کرنا آسان ہے۔
رجب بٹ کی جانب سے ڈکی اور ان کے خاندان کے لیے ہمدردی کا اظہار بھی کیا گیا جو ان دنوں مشکلات کا سامنا کررہے ہیں۔
