معروف ماڈل و اداکارہ حنا آفریدی اور تیمور اکبر شادی کے بندھن میں بندھ گئے، ان کی شادی کی تصاویر اور ویڈیوز سوشل میڈیا پر تیزی سے وائرل ہو رہی ہیں۔ شادی کے موقع پر حنا آفریدی نے دلکش اور باوقار انداز اپنایا جبکہ تیمور اکبر بھی سادہ مگر شاندار لک میں نظر آئے ،دونوں کے ’’قبول ہے‘‘ کہتے ہوئے ان کی زندگی کے خوبصورت لمحات سوشل میڈیا صارفین کی توجہ کا مرکز بنے ہوئے ہیں۔
حنا آفریدی کئی مقبول ڈراموں میں اپنی اداکاری کے جوہر دکھا چکی ہیں اور ان دنوں اپنے حالیہ پراجیکٹ میں شاندار پرفارمنس پر خوب داد سمیٹ رہی ہیں۔
گزشتہ ماہ انہوں نے انسٹاگرام پر ایک پوسٹ کے ذریعے تیمور اکبر کے ساتھ اپنی منگنی کا اعلان کیا تھا جس کے بعد مداح بے تابی سے ان کی شادی کے منتظر تھے۔
شادی کی خوشخبری سامنے آتے ہی شوبز حلقوں اور مداحوں کی جانب سے مبارکبادوں کا سلسلہ جاری ہے، تصاویر کو مختصر وقت میں لاکھوں افراد نے پسند کیا جبکہ اداکار سمیع خان، ایمن خان سمیت کئی معروف شوبز شخصیات نےجوڑے کے لیے نیک تمناؤں اور دعاؤں کا اظہار کیا ہے۔
