پاکستان کے سابق ٹیسٹ کرکٹر محمد الیاس جگر کے کینسر میں مبتلا ہو گئے ہیں۔
اطلاعات کے مطابق ان کی مقامی اسپتال میں سرجری کی جائے گی۔ سابق کرکٹر نے اپنی کامیاب سرجری کے لیے قوم سے دعاؤں کی اپیل کی ہے۔
واضح رہے کہ 79 سالہ محمد الیاس نے 10 ٹیسٹ میچز میں پاکستان کی نمائندگی کی جبکہ وہ 82 فرسٹ کلاس میچز بھی کھیل چکے ہیں۔
محمد الیاس پاکستان کرکٹ بورڈ میں چیف سلیکٹر کے فرائض بھی انجام دے چکے ہیں۔
اس کے علاوہ وہ قومی سلیکشن کمیٹی کے رکن، جونیئر سلیکشن کمیٹی اور ویمن کرکٹ سلیکشن کمیٹی کے سربراہ بھی رہ چکے ہیں۔
