وفاقی وزیر برائے اطلاعات و نشریات فواد چوہدری کا کہنا ہے آزاد کشمیر انتخابات میں پاکستان تحریک انصاف کی شاندار کامیابی عوام کا وزیراعظم عمران خان پر غیر متزلزل اعتماد کا اظہار ہے۔
آزاد کشمیر انتخابات میں پاکستان تحریک انصاف کی کامیابی کے بعد سوشل میڈیا پر جاری اپنے بیان میں فواد چوہدری نے اپوزیشن کو تنقید کا نشانہ بناتے ہوئے کہا کہ اپوزیشن اپنی قیادت اور سیاست دونوں پر نظرثانی کرے۔
وفاقی وزیر نے مزید کہا کہ آصف زرداری اور نواز شریف کو لوگ قبول کرنے کے لیے تیار نہیں ہیں، متبادل قیادت کا وقت ہے، محب سے ملاقاتیں کرنے والوں کا کوئی مستقبل نہیں ہے۔
کشمیر انتخابات میں تحریک انصاف کی شاندارکامیابی عام آدمی کے وزیراعظم عمران خان پرغیرمتزلزل اعتماد کا اظہار ہے، اپوزیشن اپنی قیادت اور سیاست دونوں پر نظرثانی کرے زرداری اور نوازشریف کو لوگ قبول کرنے کو تیار نہیں متبادل قیادت کا وقت ہے محب سے ملاقاتیں کرنیوالوں کا کوئ مستقبل نہیں
— Ch Fawad Hussain (@fawadchaudhry) July 26, 2021
دوسری جانب تحریک انصاف کے رہنما سینیٹر فیصل جاوید نے کہا ہے کہ شکریہ کشمیر، یہ عمران خان کے نظریے کی فتح ہے۔
سینیٹر فیصل جاوید نے کہا کہ آزاد کشمیر میں ووٹ عمران خان کے نام پر پڑا، اس فتح کا سارا کریڈٹ آزاد کشمیر کے باشعور عوام کو جاتا ہے، کشمیریوں نے ن لیگ اور پیپلز پارٹی کو مسترد کر دیا، کشمیر میں حقیقی تبدیلی آئے گی۔