پنجاب اور خیبرپختونخوا کے مختلف اضلاع میں شدید دھند کے باعث روزمرہ کے معمولات متاثر ہو گئے ہیں۔ حد نگاہ کم ہونے کی وجہ سے لاہور سے کوٹ سرور تک موٹروے M-2 بند کر دی گئی ہے، جبکہ M-3 رجانہ سے درخانہ، M-4 فیصل آباد سے ملتان، اور M-5 ملتان شیر شاہ انٹرچینج سے ظاہر پیر تک ٹریفک بند رہے گی۔
اسی طرح، M-1 پر پشاور سے رشکئی تک ٹریفک معطل ہے۔
دوسری جانب، پنجاب کے وسطی اضلاع میں فضائی آلودگی کی شدت بھی برقرار ہے۔
عالمی ماحولیاتی ویب سائٹ کے مطابق جمعرات کی صبح 9 بجے فیصل آباد میں پارٹیکولیٹ میٹر کی تعداد 814، گوجرانوالہ میں 404، ملتان میں 261 اور لاہور میں 218 ریکارڈ کی گئی۔
