پنجاب حکومت نے ائیر کوالٹی بہتر بنانے کے لیے ہنگامی اقدامات مزید سخت کر دیے۔ سینئر وزیر مریم اورنگزیب نے بتایا کہ لاہور میں درجہ حرارت میں کمی اور کمزور ہواؤں کے باعث فضائی آلودگی میں اضافہ ہو رہا ہے۔
حکومت نے اینٹی اسموگ فیلڈ فورس کو اضافی نفری کے ساتھ فوری کارروائی کے لیے ہدایات جاری کر دی ہیں۔
محکمہ ماحولیات نے صنعتی علاقوں میں رات گئے تک انسپیکشن بڑھا دی ہے اور دھواں خارج کرنے والی متعدد فیکٹریوں کو سیل کیا گیا ہے۔
مریم اورنگزیب نے مزید بتایا کہ شمال مغربی صنعتی بیلٹ سے آلودگی کے بہاؤ کو کم کرنے کے لیے کوآرڈینیشن سیل فعال کیا گیا ہے، جبکہ ٹریفک پولیس نے رش آور علاقوں میں اسپیشل اینٹی اسموگ ڈپلائمنٹ شروع کر دی ہے۔
