پاکستان نے یوکرین تنازع میں اپنے شہریوں کے ملوث ہونے سے متعلق خبروں کو بے بنیاد قرار دے کر مسترد کر دیا ہے۔ ترجمان دفتر خارجہ کے مطابق یوکرینی حکام کی جانب سے تاحال کوئی قابلِ تصدیق ثبوت فراہم نہیں کیا گیا، نہ ہی پاکستان کو اس حوالے سے باضابطہ طور پر آگاہ کیا گیا ہے۔
ترجمان نے کہا کہ حکومت پاکستان اس معاملے پر یوکرینی حکام سے وضاحت طلب کرے گی۔
ترجمان دفتر خارجہ نے مزید کہا کہ پاکستان یوکرین تنازع کا پرامن حل چاہتا ہے اور یو این کے اصولوں کے مطابق بات چیت اور سفارت کاری پر یقین رکھتا ہے۔
واضح رہے یوکرینی صدر ولادیمیر زیلنسکی نے پیر کے روز اپنے ایک بیان میں کہا تھا کہ روس، یوکرین جنگ میں متعدد ممالک کے جنگجو روس کی جانب سے اور یوکرین کے خلاف لڑ رہے ہیں اور ان میں پاکستان اور چین کے لوگ بھی شامل ہیں۔
