فواد چوہدری کے بھائی فراز چوہدری بھی جہلم سے گرفتار

فراز چوہدری فائل فوٹو فراز چوہدری

پاکستان تحریک انصاف رہنما فواد چوہدری کے بعد انکے بھائی فراز چوہدری بھی گرفتار کرلیا۔

میڈیا رپورٹس کے مطابق پی ٹی آئی رہنما فواد چوہدری کے بھائی آبائی حلقے جہلم میں گرفتاری کے خلاف احتجاجی مظاہرہ کررہے ہیں جس کی پاداش میں انہیں بھی گرفتار کرلیا گیا۔

رپورٹس کے مطابق جہلم پولیس نے فراز چوہدری کو سینٹرل انٹیلیجنس ایجنسی (سی آئی اے) کی بلڈنگ میں منتقل کردیا ہے۔

قبل ازیں پی ٹی آئی رہنما فرخ حبیب نے دعویٰ کیا تھا کہ پولیس نے سینئر رہنما تحریک انصاف فواد چوہدری کو ان کے گھر سے گرفتار کیا گیا، امپورٹڈ حکومت بوکھلاہٹ کا شکار ہوگئی ہے۔

فواد چوہدری کو تھانہ کوہسار اسلام آباد میں الیکشن کمیشن کی جانب سے درج کرائے گئے مقدمے میں گرفتار کیا گیا ہے۔

subscribe YT Channel install suchtv android app on google app store