صحت مند زندگی کے لیے صبح خالی پیٹ گرم پانی پینا صدیوں سے ایک عام روایت رہی ہے، اور جدید سائنسی تحقیق نے بھی اس کے کئی فوائد کو ثابت کیا ہے۔
میٹابولزم اور توانائی میں اضافہ
طبی تحقیق کے مطابق صبح خالی پیٹ گرم پانی پینے سے میٹابولزم تیز ہوتا ہے، جسمانی توانائی بڑھتی ہے اور جلد بھی روشن رہتی ہے۔
ہاضمہ اور قبض میں بہتری
گرم پانی پینے سے آنتوں کی حرکت بہتر ہوتی ہے اور غذا جلد ہضم ہوتی ہے۔ کلینیکل مطالعات میں یہ بھی دیکھا گیا ہے کہ آپریشن کے بعد مریضوں کو گرم پانی دینے سے پہلی گیس آنے کا وقت کم ہوا۔
وزن کم کرنے میں مدد
شواہد بتاتے ہیں کہ گرم پانی عارضی طور پر میٹابولزم بڑھاتا ہے، لیکن مستقل وزن کم کرنے کے لیے متوازن غذا اور ورزش ضروری ہیں۔
نزلہ زکام اور گلے کے درد میں آرام
گرم پانی بلغم نرم کرتا اور گلے کی جلن کم کرتا ہے، جس سے سانس کی نالیوں کو راحت ملتی ہے۔
خون کی گردش میں بہتری
ماہرین کے مطابق معتدل گرم پانی پینے سے خون کی نالیوں میں عارضی پھیلاؤ آتا ہے اور خون کی گردش بہتر ہوتی ہے۔
صبح خالی پیٹ گرم پانی پینے کا صحیح طریقہ
۔ ایک گلاس معتدل گرم پانی پینا فائدہ مند ہے۔
۔ کھانے کے فوراً بعد پانی پینا بھی محفوظ ہے۔
۔ بہت زیادہ گرم مشروبات سے پرہیز کریں۔
۔ وزن کم کرنے کے لیے صرف گرم پانی پر انحصار نہ کریں۔
۔ اگر گلے یا معدے میں مسئلہ ہو تو ڈاکٹر سے رجوع کریں۔
عالمی ادارہ صحت نے خبردار کیا کہ 65 ڈگری سیلسیس یا اس سے زیادہ گرم مشروبات حلق اور غذا کی نالی کے سرطان کے خطرے سے منسلک ہو سکتے ہیں۔
