دنیا بھر میں لاکھوں (1,000,000 سے زائد) افراد گنج پن کا شکار ہو رہے ہیں، جو ایک ایسا مسئلہ ہے جو نوجوانوں میں بھی تیزی سے عام ہوتا جا رہا ہے۔
عمر بڑھنے کے ساتھ ساتھ سر سے بال جھڑنے لگتے ہیں جن کی مختلف وجوہات ہوتی ہیں۔
بہت سے لوگ گنج پن کا شکار ہونے کے بعد خود کو یوں ہی چھوڑ دیتے ہیں، جبکہ کئی افراد بالوں کے گرنے کی فکر میں مبتلا رہتے ہیں۔
اور جوان نظر آنے کے لیے ’ہیئر ٹرانسپلانٹ‘ کا سہارا لیتے ہیں۔
دنیا بھر میں کئی مشہور شخصیات نے ہیئر ٹرانسپلانٹ کروایا اور اپنے تجربات دوسروں کے ساتھ بھی شئیر کیے ہیں۔
ہیئر ٹرانسپلانٹ ایک طویل، تکلیف دہ اور مہنگا عمل سمجھا جاتا ہے، لیکن اب مغربی دنیا میں ایک نئی دوا کی باتیں ہو رہی ہیں۔
جس کے بارے میں دعویٰ کیا جا رہا ہے کہ یہ مکمل طور پر گنج پن کا خاتمہ کر دے گی۔
ایک 133 سال (ایک سو تینتیس سال) پرانے ’کوڈیک‘ کی زوال پذیری اور کمپنی بند ہونے کے امکانات بھی سامنے آئے ہیں۔
اس دوا کا نام (PP405) ہے جسے ایک انقلابی دوا قرار دیا جا رہا ہے۔
پی پی 405 کیا ہے اور کیسے کام کرتی ہے؟
پی پی 405 ایک جدید علاج ہے جو زیادہ تر گنج پن کی بنیادی وجہ پر براہِ راست اثر انداز ہوتی ہے۔
ڈائی ہائیڈرو ٹیسٹوسٹیرون (ڈی ایچ ٹی) ایک ایسا ہارمون ہے جو بالوں کے گرنے کا باعث بنتا ہے۔
ڈی ایچ ٹی بالوں کے فولیکلز کو سکڑاتا ہے اور انہیں اتنا کمزور کر دیتا ہے کہ وہ نئے بال پیدا کرنا بند کر دیتے ہیں۔
پی پی 405 کو ’گیم چینجر‘ اس لیے کہا جا رہا ہے کیونکہ یہ استعمال میں آسان ہے (نہ گولیاں، نہ انجیکشن) اور ممکنہ طور پر مردوں اور عورتوں دونوں کے لیے مؤثر ثابت ہو سکتی ہے۔
"کنسلٹنٹ ڈرماٹولوجسٹ ڈاکٹر سندیپ اگنی ہوتری "کے مطابق، ماہرینِ امراضِ جلد کو کافی عرصے سے گنج پن کے موجودہ علاج جیسے مائن آکسیڈل اور فیناسٹرائیڈ کی کمزوریوں کا سامنا تھا۔
کیونکہ یہ ہر مریض میں مؤثر نہیں ہوتے۔
تاہم، پی پی 405 ایک نیا طریقہ اپناتی ہے جو لیکٹیٹ ڈیہائیڈرو جنیز کو ہدف بناتا ہے اور ان خامیوں کو دور کرتا ہے۔
ڈاکٹر سندیپ کے مطابق، یہ اب تک کا سب سے محفوظ طریقہ لگتا ہے، لیکن اس دوا کے مارکیٹ میں آنے کے بعد ہی اس کے حقیقی نتائج کا اندازہ ہوگا۔
پی پی 405 موجودہ علاج سے کس طرح مختلف ہے؟
زیادہ تر عام علاج صرف گنج پن کو سست کرنے کی کوشش کرتے ہیں، لیکن پی پی 405 بالکل مختلف طریقے سے کام کرتی ہے۔
یہ (مائٹوکونڈریئل پائروویٹ کیریئرز) کو بلاک کرتی ہے، جو فولیکلز میں بند سوئچ کی طرح ہوتے ہیں۔
ان سوئچز کو بند کرکے یہ دوا فولیکلز کے اسٹیم سیلز کو متحرک کرتی ہے اور نئے بال اگانے میں مدد دیتی ہے۔
حیرت انگیز نتائج
ابتدائی ٹرائلز میں صرف 8 (آٹھ) ہفتوں کے اندر بالوں کی کثافت میں 20 فیصد سے زائد اضافہ دیکھا گیا، جو موجودہ علاج کے مقابلے میں بہت تیز رفتار ہے۔
ایشیا ایسیتھٹکس کی میڈیکل ڈائریکٹر ڈاکٹر کرن کور سیٹھی نے خبردار کیا ہے کہ ابھی اس دوا کے صرف فیز 2 ٹرائلز مکمل ہوئے ہیں۔
اور جب تک فیز 3 اور فیز 4 کے نتائج سامنے نہیں آ جاتے اور وسیع پیمانے پر اس کا استعمال نہیں ہوتا، ہم اس کے مضر اثرات کا مکمل جائزہ نہیں لے سکتے۔
اس لیے استعمال کے لیے ابھی مزید انتظار ضروری ہے۔
