معروف پاکستانی اداکار عثمان مختار نے کہا ہے کہ جو غلطیاں ان کے والد نے کیں، وہ وہ اپنی بیٹی کے ساتھ کبھی دہرائیں گے۔ اداکار نے حال ہی میں ایک انٹرویو میں اپنے بچپن کی تلخ یادیں بیان کیں۔ ایک سوال کے جواب میں انہوں نے کہا کہ وہ ویسا باپ نہیں بنیں گے جیسے ان کے والد تھے۔ ان کے مطابق، والد کا رویہ ان کے ساتھ سخت تھا؛ ہو سکتا ہے کہ وہ اسے درست سمجھتے ہوں، لیکن عثمان کے لیے وہ بالکل مناسب نہیں تھا۔
عثمان مختار کا کہنا تھا کہ والد کے رویے نے ان پر گہرا اثر ڈالا، اور اسی وجہ سے وہ اپنی بیٹی کے ساتھ ایسا رویہ اختیار نہیں کرنا چاہتے۔
انہوں نے مزید کہا کہ وہ اپنی بیٹی کے لیے ایک بہتر والد بننے کی کوشش کر رہے ہیں، تاکہ وہ وہی غلطیاں نہ دہرائیں جو والد نے کیں۔
اداکار نے یہ بھی اعتراف کیا کہ اگر والد ویسے نہ ہوتے تو آج وہ جیسا ہے ویسا نہ ہوتا۔
وہ کہتے ہیں کہ بچپن کے تجربات انسان کی زندگی میں اہم کردار ادا کرتے ہیں، لیکن وہ اپنی بیٹی کے لیے مختلف راستہ اختیار کرنا چاہتے ہیں اور اس کی زیادہ فکر کرتے ہیں۔
انہوں نے ایک دلچسپ قصہ سناتے ہوئے خود کو ایک وہمی باپ قرار دیا اور کہا کہ بیٹی کے پیدا ہونے سے قبل ہی میں ڈاکٹر کے کلینک پہنچ گیا تھا تاکہ یہ جان سکوں کہ جب وہ پیدا ہوجائے گی تو اسے کس طرح کی ویکسین کی ضرورت پیش آئے گی، طبی طور پر اس کا خیال کس طرح رکھنا ہے۔
