آغا خان میوزک ایوارڈز 2025 میں استاد نصیرالدین سامی کو ’پیٹرنز ایوارڈ‘ سے نوازا جائے گا۔ استاد نصیرالدین سامی کو خیّال گائیکی کے قدیم صوفیانہ سلسلے کو زندہ رکھنے اور اسے عالمی سطح پر اجاگر کرنے کے اعتراف میں یہ اعزاز دیا جائے گا۔
آغا خان میوزک ایوارڈز کی تقریب لندن میں 20 سے 23 نومبر تک منعقد ہوگی، جبکہ استاد نصیرالدین سامی اور پاکستان کے سامی خاندان کے علاوہ بھارت کے وارثی برادران کو یہ پیٹرنز ایوارڈ 21 نومبر کو پیش کیا جائے گا۔
واضح رہے کہ سامی خاندان کی موسیقی نے پاکستان کی کلاسیکی روایت کو عالمی سطح پر متعارف کروانے میں اہم کردار ادا کیا ہے۔
