عالمی شہرت یافتہ اداکارہ انجلینا جولی نے افغان مہاجرین کی حالتِ زار پر افسوس کا اظہار کیا ہے۔
انجلینا جولی نے فوٹو اینڈ ویڈیو شیئرنگ ایپ انسٹا گرام پر افغان مہاجرین کے پاکستان سے انخلاء کے کچھ مناظر کی تصاویر شیئر کی ہیں۔
انہوں نے یہ تصاویر شیئر کرتے ہوئے کیپشن میں لکھا ہے کہ پاکستان کئی دہائیوں سے افغان پناہ گزینوں کی حمایت اور اُنہیں تحفظ فراہم کرتا رہا ہے۔
اداکارہ نے لکھا ہے کہ مجھے افسوس ہے کہ پاکستان نے افغان مہاجرین کا اس قدر اچانک انخلاء شروع کر دیا ہے جو موجودہ افغانستان میں زندہ رہنے کی ناممکن حقیقتوں کا سامنا کر رہے ہیں، جہاں خواتین کو بنیادی حقوق اور تعلیم سے محروم کر دیا گیا ہے، بہت سے لوگوں کو قید کیا جا رہا ہے، وہ ملک سنگین بحران کا شکار ہے۔
انہوں نے لکھا کہ یہ عالمی سطح پر انسانی حقوق کی پسپائی کی ایک اور مثال ہے اور افغان عوام کے مصائب کی طویل تاریخ میں ایک نیا المیہ ہے جنہوں نے 40 سال سے زائد عرصے سے جنگ، تنازعات اور نقل مکانی کے سوا کچھ نہیں دیکھا۔
View this post on Instagram
انجلینا جولی نے یہ بھی لکھا ہے کہ دنیا افغان عوام کے بہتر مستقبل کے لیے وعدے کرنے کے بعد اب اُنہیں نظر انداز کر رہی ہے۔