تارکینِ ملائیشیا اور تھائی لینڈ کی سمندری سرحد کے قریب تارکینِ وطن سے بھری کشتی ڈوب گئی، جس کے نتیجے میں سیکڑوں افراد لاپتا ہیں۔ کشتی میں تقریباً 300 افراد سوار تھے، جن میں سے صرف 10 کو زندہ بچایا گیا ہے جبکہ ایک خاتون کی لاش ملی ہے۔ درجنوں افراد تاحال لاپتا ہیں۔
ملائیشین سمندری حکام کے مطابق یہ حادثہ اتوار کے روز پیش آیا۔ ریاستوں قداح اور پرلیس کے سمندری اتھارٹی سربراہ ایڈمرل روملی مصطفیٰ کے مطابق کشتی تین روز قبل میانمار کے علاقے بوٹھی داونگ سے روانہ ہوئی تھی۔
زندہ بچ جانے والوں میں تین میانماری، دو روہنگیا اور ایک بنگلہ دیشی شامل ہیں۔ ریاستی خبر رساں ادارے برناما کے مطابق تمام مسافر ملائیشیا کی جانب جا رہے تھے۔
ابتدائی تحقیقات سے معلوم ہوا کہ جب بڑی کشتی سرحد کے قریب پہنچی، تو اسمگلروں نے مسافروں کو حکام کی نظر سے بچانے کے لیے تین چھوٹی کشتیوں میں منتقل کر دیا، جن میں ہر ایک پر تقریباً 100 افراد سوار تھے۔
ابھی تک دیگر دو کشتیوں کے بارے میں کوئی اطلاع نہیں مل سکی ہے، اور تلاش اور امدادی کارروائیاں سمندر میں جاری ہیں۔
حکام کا کہنا ہے کہ روہنگیا اور دیگر تارکینِ وطن اکثر خطرناک سمندری راستے اختیار کر کے میانمار سے فرار ہونے کی کوشش کرتے ہیں، جہاں انہیں شہریت سے محرومی، امتیازی سلوک اور ظلم و جبر کا سامنا ہے۔
