بھارتی ریاست منی پور میں خانہ جنگی شدت اختیار کر گئی. امپھال میں بی جے پی کی خاتون وزیرِ صنعت کا گھر جلا دیا گیا. گزشتہ 24گھنٹوں میں پر تشدد واقعات سے ایک خاتون سمیت 9افراد ہلاک ہوئے.
بھارتی میڈیا کے مطابق اب تک خانہ جنگی کے باعث سینکڑوں افراد ہلاک جبکہ ایک لاکھ سے زائد دربدر ہو چکے ہیں. پولیس، بی ایس ایف اور فوج کے 50 ہزار اہلکار تعینات کرنے کے باوجود مودی سرکار خانہ جنگی پر قابو پانے میں ناکام ہوگئی۔
دوسری جانب منی پور کی عوام نے مودی سرکار پر خانہ جنگی کو دانستہ ہوا دینے کا الزام لگادیا۔ عوام کا کہنا ہے کہ خانہ جنگی کا بہانہ بنا کر مودی نے منی پور کے قبائلی تشخص کو ختم اور انتہا پسند ہندو نظریے کو مسلط کرنا چاہتا ہے۔ خانہ جنگی کا بہانہ بنا کر مودی ریاست منی پور پر اپنی گرفت مضبوط کرنا چاہتا ہے، عوام ریاست منی پور میں 3مئی سے انٹرنیٹ بندش اور کرفیونافذ ہے۔
