ٹی ٹوئنٹی ورلڈ کپ کے ابتدائی میچ میں آسٹریلیا نے کپتان مچل مارش کی انجری کے باوجود آئرلینڈ کو با آسانی 67 رنز سے شکست دے کر ایونٹ کا فاتحانہ آغاز کیا۔
آسٹریلیا نے قائم مقام کپتان ٹریوس ہیڈ کی قیادت میں ٹاس جیت کر پہلے بیٹنگ کا فیصلہ کیا اور مقررہ 20 اوورز میں 6 وکٹوں کے نقصان پر 182 رنز بنائے۔ جواب میں آئرلینڈ کی ٹیم 16.5 اوورز میں 115 رنز پر ڈھیر ہوگئی۔
مارش کی عدم موجودگی میں جوش انگلس کو اوپننگ کا موقع دیا گیا، جنہوں نے 17 گیندوں پر 37 رنز کی جارحانہ اننگز کھیلی۔
Marcus Stoinis نے 45 رنز بنا کر ٹاپ اسکورر رہے جبکہ Matt Renshaw نے 37 رنز کا اضافہ کیا۔
ایلس اور زمپا کی تباہ کن باؤلنگ
گیند بازی میں ایلس نے شاندار کارکردگی دکھاتے ہوئے 12 رنز کے عوض 4 وکٹیں حاصل کیں۔
اسپنر زمپا نے بھی 23 رنز دے کر 4 کھلاڑیوں کو آؤٹ کیا۔
ایلس نے پہلے ہی اوور میں دو وکٹیں حاصل کر کے آئرلینڈ کی بیٹنگ لائن کو مشکلات سے دوچار کر دیا۔ آئرلینڈ کی جانب سے لورکن ٹکر اور جارج ڈاکرییل کے درمیان 46 رنز کی شراکت نے کچھ مزاحمت ضرور دکھائی، تاہم وہ ہدف کے قریب نہ پہنچ سکے۔
مارش انجری کا شکار
کرکٹ آسٹریلیا کے مطابق مچل مارش کو ٹریننگ کے دوران گرائن انجری کا سامنا کرنا پڑا اور اسکین رپورٹس میں اندرونی چوٹ کی تصدیق ہوئی ہے، جس کے باعث انہیں آرام اور ری ہیبلیٹیشن کی ضرورت ہوگی۔
مارش کی ممکنہ غیر موجودگی کے پیش نظر آسٹریلیا نے اسٹیو اسمتھ کو بطور اسٹینڈ بائی اسکواڈ میں شامل کر لیا ہے۔
یاد رہے کہ آسٹریلوی ٹیم پہلے ہی فاسٹ باؤلرز پیٹ کمنز اور جوش ہزل ووڈ کی انجری کے باعث مشکلات کا شکار ہے۔
آسٹریلیا کی یہ فتح ٹیم کے لیے حوصلہ افزا ثابت ہوئی ہے اور وہ ایونٹ میں مزید کامیابیوں کے لیے پرعزم نظر آتی ہے۔
