لاہور قلندرز اور پشاور زلمی کے بعد کوئٹہ گلیڈی ایٹرز نے بھی پاکستان سپر لیگ (پی ایس ایل) کے ساتھ اپنے معاہدے کو مزید 10 سال کے لیے تجدید کر لیا ہے۔
پی ایس ایل نے کوئٹہ گلیڈی ایٹرز کے ساتھ معاہدے کی باضابطہ تصدیق کر دی ہے۔ نیا معاہدہ موجودہ ویلیوایشن کے مطابق طے پایا ہے، جس کی تشخیص غیر ملکی فرم "ای وائی مینا" نے کی ہے۔
پی سی بی کے چیئرمین محسن نقوی نے کوئٹہ گلیڈی ایٹرز کے معاہدے کی تجدید پر خوشی کا اظہار کرتے ہوئے کہا کہ فرنچائز کے اونر ندیم عمر کی پی ایس ایل کے لیے خدمات قابلِ تعریف ہیں۔
انہوں نے مزید کہا کہ ندیم عمر کا اعتماد لیگ کی بڑھتی ہوئی ساکھ کا واضح ثبوت ہے۔
سی ای او پی ایس ایل سلمان نصیر کا کہنا تھا کہ کوئٹہ گلیڈی ایٹرز کے ساتھ شراکت مزید مضبوط ہوگی، کوئٹہ گلیڈی ایٹرز کا جذبہ اور کمٹمنٹ لائق تحسین ہے۔
سلمان نصیر کا کہنا تھا کہ ندیم عمر کی خدمات پی ایس ایل والوں سے بھی بڑھ کر ہیں،کوئٹہ گلیڈی ایٹرز مقبولیت اور کارکردگی کے باعث پی ایس ایل کی مضبوط ترین فرنچائز ہے۔
