ہانگ کانگ سکسز ٹورنامنٹ میں آج پاکستان اور بھارت کے درمیان میچ بارش کے باعث متاثر ہوا، جس کے نتیجے میں بھارت کو فائدہ ہوا اور پاکستان شکست سے دوچار ہوگیا۔ محمد عباس کی قیادت میں پاکستانی ٹیم نے ٹاس جیت کر فیلڈنگ کا فیصلہ کیا اور بھارتی ٹیم کو پہلے بیٹنگ کی دعوت دی۔
بھارت نے مقررہ 6 اوورز میں 4 وکٹوں کے نقصان پر 86 رنز بنائے۔ محمد شہزاد نے اپنے دو اوورز میں دو اہم وکٹیں حاصل کیں۔
پاکستان کو جیت کے لیے 6 اوورز میں 87 رنز درکار تھے، لیکن قومی ٹیم نے 3 اوورز میں ایک وکٹ کے نقصان پر 41 رنز بنائے کہ اچانک بارش شروع ہوگئی۔
بارش کے باعث میچ روک دیا گیا اور موسم کی خراب صورتحال کے سبب کھیل دوبارہ شروع نہ ہو سکا۔
یوں ڈک ورتھ لوئس میتھڈ کے تحت بھارت کو محض دو رنز کے فرق سے فتح حاصل ہوئی۔
