پاکستان سپر لیگ (پی ایس ایل) کے 11ویں ایڈیشن میں مزید 2 ٹیموں کو شامل کرنے کا فیصلہ کر لیا گیا۔
چیئرمین پاکستان کرکٹ بورڈ (پی سی بی) محسن نقوی نے غیر رسمی گفتگو کے دوران پی ایس ایل میں مزید ٹیموں کی شمولیت کی خوشخبری سنائی۔ ذرائع کے مطابق پی ایس ایل کے 11ویں ایڈیشن میں مزید 2 ٹیموں کو شامل کیا جائے گا۔ اور بڑی ڈیمانڈ کے باعث اس کی اپن بڈ کرائی جا سکتی ہے۔ جس کے ذریعے ٹیموں کی قیمت کا فیصلہ کیا جائے گا۔
دونوں ٹیموں کے مالکان اپنی ٹیموں کے نام اور شہر منتخب کریں گے۔ جبکہ اس حوالے سے پی ایس ایل انتظامیہ جلد طریقہ جار وضح کرے گی۔ واضح رہے کہ پی ایس ایل میں مزید ٹیموں کے اضافے کے مطالبے کے بعد نئی ٹیموں کی شمولیت کے لیے اوپن بڈ کرانے کی تجویز سامنے آئی ہے۔
پی ایس ایل کا پہلا ایڈیشن 2016 میں کھیلا گیا تھا۔ اور آغاز میں 5 ٹیمیں شامل تھیں۔ جبکہ 2018 میں پی ایس ایل کے تیسرے سیزن میں ملتان سلطانز کو شامل کیا گیا تھا۔
