پاکستان میں باڈی بلڈنگ میں اقرباء پروری کی ایک نئی مثال قائم ہو گئی ہے۔ ایشین چیمپئن شپ جوائے رائیڈ فیملی ٹور بن گیا۔
تفصیلات کے مطابق، ایشین باڈی بلڈنگ چیمپئن شپ میں شرکت کے لیے پاکستان ٹیم کے ساتھ ایک ہی خاندان کے تین افراد آفیشلز کے طور پر شامل ہو گئے۔
فیڈریشن کے سیکرٹری سہیل انور کوچ بنے، ان کی اہلیہ ماریا سہیل ریفری جبکہ بیٹی مریم سہیل ٹرینی جج کے طور پر شامل ہوئیں۔
پاکستان اسپورٹس بورڈ (پی ایس بی) نے شمولیت کے لیے این او سی جاری کیا۔
ایشین باڈی بلڈنگ چیمپئن شپ آج سے تھائی لینڈ میں شروع ہو رہی ہے، جہاں پاکستان کے نو باڈی بلڈرز ایونٹ میں حصہ لیں گے۔
یاد رہے کہ پی ایس بی کے متنازعہ انتخابات کے بعد سہیل انور فیڈریشن کے سیکرٹری بنے تھے۔
