سی ٹی ڈی پنجاب کی کارروائی، 5 مبینہ دہشت گرد گرفتار

ترجمان سی ٹی ڈی کے مطابق گوجرانولہ اور ملتان سے کالعدم تنظیم کے 5دہشت گرد گرفتار کیے گئے ہیں، دہشت گردوں کے خلاف مقدمات درج کرکے تفتیش جاری ہے۔

ترجمان کا کہنا ہے کہ دہشت گردوں سے افغان شناختی کارڈ، بارودی مواد، ڈیٹو نیٹرز، موبائل فون اور اسلحہ بھی برآمد ہوا ہے، دہشت گردوں کی شناحت حنیف، سیدعرف سیدو،طارق خالد اور عبدالستار کے نام سے ہوئی ہے۔

سی ٹی ڈی ترجمان کا مزید کہنا ہے کہ  رواں ہفتے میں مختلف کارروائیوں کے دوران 46 مشتبہ افراد گرفتار کیا جاچکا ہے۔