وزیر اعلیٰ پنجاب چوہدری پرویز الہٰی سے تلخ کلامی کے بعد صوبائی وزیر سردار حسنین بہادر دریشک وزارت سے مستعفی ہو گئے۔ سردار حسنین بہادر دریشک کا کہنا ہے کہ میں نے اپنا استعفیٰ وزیرِ اعلیٰ کو بھجوا دیا ہے۔
رپورٹس کے مطابق گزشتہ روز کابینہ کے اجلاس میں حسنین بہادر دریشک کی وزیرِ اعلیٰ پنجاب سے تلخ کلامی ہوئی تھی۔ جس کے بعد صوبائی وزیر حسنین بہادر دریشک احتجاجاً کابینہ کے اجلاس سے اٹھ کر چلے گئے تھے۔ کابینہ اجلاس میں ایک ہی وقت میں متعدد وزراء بات کرنا چاہتے تھے، وزیرِ اعلیٰ کا کہنا تھا کہ میں ڈسپلن کے ساتھ کابینہ اجلاس چلاؤں گا۔
وزیر اعلیٰ چوہدری پرویز الہٰی نے کہا کہ ایک وقت میں ایک ہی وزیر بات کر سکتا ہے۔ سردار حسنین دریشک نے اس کے باوجود بھی گفتگو جاری رکھی، وزیرِ اعلیٰ نے اجازت کے بغیر گفتگو سے روکا تو صوبائی وزیر غصے میں آ گئے تھے۔ حسنین دریشک نے دھمکی دیتے ہوئے کہا کہ میں پھر استعفیٰ دے دیتا ہوں۔
