دنیا بھر میں کشمیری آج یوم سیاہ منا رہے ہیں

وزیراعظم آزاد کشمیرتنویر الیاس نے کہا ہے کہ بھارت کا یوم جمہوریت ہمارے لیےیوم سیاہ ہے،دنیا بھرمیں مقیم کشمیری پاکستانی یوم سیاہ منارہے ہیں، بھارت دنیا کےسامنےجمہوری ملک ہونےکا دعویٰ کرتا ہے لیکن بھارت میں اقلیتیں محفوظ نہیں ہیں، مقبوضہ کشمیرکےمسلمانوں نےایسی قربانیاں دی ہیں جن کاتصورممکن نہیں ہے۔

انہوں نے کہا کہ تحریک آزادی کشمیرکیلئےکشمیریوں نےاپنی تیسری نسل قربان کردی، بھارت نےکشمیرسمیت کئی ریاستوں پرغاصبانہ قبصہ کررکھا ہے۔

آج کے دن آزاد کشمیر، پاکستان اور مختلف ممالک کے دارالحکومتوں میں بھارت مخالف مظاہرے اور ریلیاں نکالی جائیں گی تاکہ عالمی برادری کو پیغام دیا جاسکے کہ بھارت نے کشمیریوں کے تمام بنیادی حقوق سلب کر رکھے ہیں۔