وفاقی وزیر ترقی و منصوبہ بندی اسد عمر نے اپوزیشن پر طنز کرتے ہوئے کہا ہےکہ کینیڈا میں کورونا کی ویکسین لگانے کی مہم کی ذمہ داری سینیئر جنرل کو دی گئی ہے جس پر وہاں کی اپوزیشن نے کینیڈا کے وزیراعظم جسٹن ٹروڈو کو کٹھ پتلی نہیں کہا۔
ٹوئٹر پر اپنے بیان میں اسد عمرکاکہنا تھاکہ 'کینیڈا میں ویکسین لگانے کی مہم کی ذمہ داری سینیئر جنرل کو دے دی گئی، ذرا کینیڈا کے اخبار تو دیکھیں کہیں کینیڈا کی اپوزیشن نے یہ تو نہیں کہہ دیاکہ جسٹن ٹروڈو تم تو سلیکٹڈ نکلے'۔
کینیڈا میں ویکسین لگانے کی مہم کی ذمہ داری سینئر جنرل کو دے دی گئی. زرا کینیڈا کے اخبار تو دیکھیں کہیں کینیڈا کی اپوزیشن نے یہ تو نہیں کہہ دیا کہ جسٹن ٹروڈو تم تو سیلیکٹڈ نکلے، ایک کٹھ پتلی ہو اور ہمارا مقابلہ تم سے نہیں تمہیں لانے والوں سے ہے https://t.co/4ZAJP278mo
— Asad Umar (@Asad_Umar) November 30, 2020
اسد عمرکاکہنا تھاکہ کینیڈا کی اپوزیشن نے جسٹن ٹروڈو سے یہ تو نہیں کہا کہ 'تم ایک کٹھ پتلی ہو اور ہمارا مقابلہ تم سے نہیں تمہیں لانے والوں سے ہے'۔
خیال رہےکہ کینیڈا میں کورونا وائرس کی ویکسین لوگوں کو لگانےکی ذمہ داری میجر جنرل ڈینی فورٹن کو دی گئی ہے۔
جسٹن ٹروڈو نے گذشتہ دنوں اپنے بیان میں کہا تھا کہ ہم چاہتے ہیں کہ ستمبر 2021 تک ملک کی آدھی آبادی کو ویکیسن لگادی جائے ۔
بڑے پیمانے پر لوگوں کو ویکسین لگانے کے لیے کینیڈین فوج کی خدمات لینے کا فیصلہ کیا گیا ہے۔