اپوزیشن لیڈر خورشید شاہ کا کہنا ہے کہ شہبازشریف کی تالیوں، مبارک بادوں سے بھرپور پریس کانفرنس شرمناک ہے.
تفصیلات کے مطابق پیپلزپارٹی کے مرکزی رہنما کی جانب سے زینب قتل کیس میں ہونے والی شہباز شریف کی پریس کانفرنس پر شدید ردعمل سامنے آیا ہے.
انھوں نے پریس کانفرنس میں وزیر اعلیٰ کی جانب سے سرکاری اہل کاروں، انتظامیہ، اداروں کے بجا تعریف اور تالیاں بجانے کو ہدف تنقید بناتے ہوئے کہا ہے کہ قصورکے250 بچے اور12 بچیاں پنجاب حکومت کے منہ پرطمانچہ ہیں۔
انھوں نے سوال کیا کہ دنیاکی دوسری بڑی لیب لاہورمیں ہے توباقی ملزمان گرفتارکیوں نہیں کیے جا سکے، انھوں نے یہ بھی پوچھا کہ ڈھائی سو بچوں اور 12 بچیوں کے ملزمان کی گرفتاری کی مبارک باد شہاز شریف کب لیں گے؟
خورشید شاہ نے انتہائی سخت الفاظ استعمال کرتے ہوئے کہا کہ تالیاں بجوانے پر وزیر اعلیٰ پنجاب کو شرم سے ڈوب مرناچاہیے، کیوں کہ وہ ان بچیوں کوبچا نہیں سکے.
یاد رہے کہ شہباز شریف نے آج قاتل کی گرفتاری سے متعلق زینب کے والد کے ساتھ پریس کانفرنس کی تھی، جہاں وہ حکومت پنجاب کے اداروں اور اہل کاروں کو بے جا تعریف کرتے اور ان کے لیے تالیاں بجواتے نظر آئے، جس پر سوشل میڈیا پر شدید ردعمل سامنے آیا.
