عازمین حج سے واجبات کی وصولی کا آج سے آغازہو گیا۔ وزارت مذہبی امور کے مطابق خواہشمند نامزد بینکوں اور آن لائن پورٹل کے ذریعے حج درخواستیں جمع کرواسکتے ہیں۔
وزارت مذہبی امور کے مطابق پہلے آئیے پہلے پائیے کی بنیاد پر رجسٹرڈ افراد سے پہلی قسط آج سے نو اگست تک وصول کی جائے گی۔
نشستیں دستیاب ہونے پر گیارہ سے سولہ اگست تک نئے عازمین حج بھی اپلائی کرسکیں گے۔
نشستیں مکمل ہوتے ہی حج واجبات کی وصولی روک دی جائے گی، حج پیکج دو ہزار چھبیس ساڑھے گیارہ سے ساڑھے بارہ لاکھ کے درمیان ہوگا۔
وزارت مذہبی امور کے مطابق دوسری قسط یکم نومبر سے وصول کی جائے گی، دوبارہ حج کرنے اور عمر کی بالائی حد کی پابندی ختم کر دی گئی ہے۔
