سرکاری حج اسکیم کے تحت درخواستوں کی وصولی کا عمل مکمل ہو گیا۔ وزارتِ مذہبی امور کے مطابق ملک بھر سے 1 لاکھ 18 ہزار 60 حج درخواستیں موصول ہوئی ہیں۔
وزارتِ مذہبی امور کے مطابق حج درخواستوں کی مزید وصولی کا کام ختم کر دیا گیا ہے، حج درخواستیں پہلے آئیے پہلے پائیے کی بنیاد پر وصول کی گئیں۔
وزارتِ مذہبی امور نے نصف حج اخراجات پہلی قسط کے طور پر وصول کیے، حج کے باقی اخراجات دوسری قسط میں وصول کیے جائیں گے۔
حج واجبات کی دوسری قسط کی وصولی یکم نومبر سے شروع کی جائے گی۔
