مونس الٰہی نے چوہدری شجاعت حسین کے بیٹوں پر بڑا الزام عائد کردیا

مونس الٰہی کے الزام پر چوہدری شجاعت کے بیٹے سالک حسین نے کہا خاندان کی عزت پی ٹی آئی کے ووٹوں کے لیےمت رولو، مائیں بہنیں سب کی سانجھی ہیں، برائے مہربانی گجرات میں عورت کارڈ نہ چلایا جائے۔

کیا آپ نے میڈیا رپورٹنگ کا پیشہ بھی اختیار کر لیا ہے؟ اگر نہیں تو خبر کی تصدیق کر لو۔ اس واقعے کے بارے میں مجھے تب معلوم ہوا جب کسی نے یہ ٹویٹ مجھے بھیجی۔
خاندان کی عزت پی ٹی آئی کے ووٹوں کے لیے مت رولو، عوام حقیقت جانتی ہے۔ مائیں بہنیں سب کی سانجھی ہیں۔ ان کی ویڈیوز دیکھ کر دل… https://t.co/nzERqONXoB

— Salik Hussain (@ChSalikHussain) December 24, 2023

چوہدری سالک نے کہا کاغذات نامزدگی جمع کروانے کے لیے امیدوار کا جانا ضروری نہیں، آپ کے پاس وکلا کی فوج موجود ہے انہیں بھیج دیا ہوتا، سیاست کرو ذاتی عناد اور بے بنیاد الزامات مت لگاؤ۔

چوہدری شجاعت کے بیٹے نے دعا دیتے ہوئے کہا اللہ کرے پرویز الٰہی کی مشکلات میں کمی آئے۔

خیال رہے کہ چوہدری پرویز الٰہی کرپشن کے مقدمات میں زیر حراست ہیں اس لیے ان کی جگہ ان کی اہلیہ نے ان کے قومی اسمبلی کی دو اور صوبائی اسمبلی کی 3 نشستوں سے کاغذات نامزدگی جمع کرائے۔

اس دوران چوہدری پرویز الٰہی کی اہلیہ کی جانب سے یہ الزام بھی عائد کیا گیا کہ ان سے کاغذات نامزدگی چھیننے کی کوشش بھی کی گئی۔

دوسری جانب مونس الٰہی بھی کرپشن اور کک بیکس کے الزامات میں پولیس کو مطلوب ہیں اور پولیس نے انہیں بیرون ملک سے واپس لانے کے لیے اقدامات بھی شروع کر رکھے ہیں۔