وفاقی وزیرداخلہ رانا ثنا اللہ نے کہا کہ کراچی میں بلدیاتی انتخابات کے موقع پر بعض شرپسند عناصرصورتحال سے فائدہ اٹھا سکتے ہیں کیونکہ سیاسی جماعتوں میں شدید اختلافات ہیں۔ ایک چھوٹا سا واقعہ بھی حادثے کا سبب بن سکتا ہے الیکشن کمیشن اورعدلیہ حالات کی سنگینی کا نوٹس لے۔
رانا ثناءاللہ نے کہا کہ کوئی ایک چھوٹا سا واقعہ بھی حادثے کا سبب بن سکتا ہے الیکشن کمیشن اورعدلیہ حالات کی سنگینی کا نوٹس لے اور آئین اور قانون کی روشنی میں مناسب حل نکالا جائے۔
یہ بھی پڑھیں: سندھ حکومت کا بلدیاتی انتخابات ملتوی کرنے کیلئے الیکشن کمیشن کو خط
گزشتہ روز ہی الیکشن کمیشن آف پاکستان نے سندھ حکومت کی بلدیاتی انتخابات ملتوی کرنے کی درخواست مسترد کرتے ہوئے اپنا حکم جاری کیا تھا۔
الیکشن کمیشن نے کہا تھا کہ کراچی ڈویژن، حیدرآباد اور دادو کی 2 تحصیلوں میں بلدیاتی انتخابات 15 جنوری کو ہی ہوں گے۔
