رسالپور میں پاک فضائیہ کے کیڈٹس کی 146 ویں شاندار پاسنگ آؤٹ پریڈ ہوئی جس میں فلائی پاسٹ کا زبردست مظاہرہ کیا گیا۔
چیئرمین جوائنٹ چیف آف اسٹاف کمیٹی جنرل ندیم رضا نے بطور مہمان خصوصی شرکت کی۔
تفصیلات کے مطابق اصغر خان اکیڈمی رسالپور میں پاک فضائیہ کی 146 ویں گریجوایشن تقریب کا انعقاد ہوا، چیئرمین جوائنٹ چیفس آف سٹاف کمیٹی جنرل ندیم رضا تقریب کے مہمان خصوصی تھے، جنرل ندیم رضا نے پریڈ کا معائنہ کیا اور پاس آؤٹ ہونےوالے گریجوایٹس کو بیجز لگائے۔
بہترین پائلٹ کی چیف آف ایئر اسٹاف ٹرافی اکیڈمی انڈر آفیسر احسن علی خٹک نے حاصل کی۔ چیئرمین جوائنٹ چیفس آف اسٹاف ٹرافی اکیڈمی انڈر آفیسر صبیح الدین اور انجینئرنگ میں چیف آف ایئر اسٹاف ٹرافی اکیڈمی انڈر آفیسر محمد ثاقب نے حاصل کی۔ غیر ملکی دوست ممالک کے گریجوایٹس نے بھی عمدہ کارکردگی پر انعامات حاصل کیے۔
اس موقع پر چیئرمین جوائنٹ چیف آف اسٹاف کمیٹی جنرل ندیم رضا نے کہا کہ پاکستان پرامن بقائے باہمی کے اصول پر کار بند ہے، ہر طرح کے خطرات سے نمٹنے کی صلاحیت رکھتے ہیں، امن کی خواہش کو کمزوری نہ سمجا جائے۔
