تحریک انصاف کے ممکنہ احتجاج اور دھرنے کی کال پر ریڈ زون سیل

تحریک انصاف کے ممکنہ احتجاج اور دھرنے کی کال پر ریڈ زون سیل فائل فوٹو

پاکستان تحریک انصاف کے لانگ مارچ اور دھرنے کے پیش نظر اسلام آباد کے ریڈ زون کو کنٹینر رکھ کر سیل کرنا شروع کرد یا گیا۔

ستمبر کے اخری ہفتے میں پاکستان تحریک انصاف کی جانب سے ممکنہ طور پر لانگ مارچ اور دھرنے کے پیش نظر حکومت نے بھی تیاری پکڑ لی۔

اسلام آباد میں احتجاج اور مظاہرین سے نمٹنے کے لیے سیکیورٹی انتظامات شروع کر دیے گئے۔ اسلام آباد کے ریڈ زون کے داخلی راستوں پر کنٹینرز لگانے کاعمل شروع کر دیا گیا۔

انتظامیہ کےمطابق نادرا چوک کو کنٹینر لگا کر بند کر دیا گیا۔ ڈی چوک کو بھی خاردار تاریں اور کنٹینرز لگا کر بند کر دیا گیا ہے۔

حکومتی انتظامات پر تنقید کرتے ہوئے پی ٹی آئی رہنما فواد چودھری نے کہا ہے کہ حکومت ہوش کھو بیٹھی ہے۔ ابھی تو اسلام آباد بند کرنے کی کوئی کال ہی نہیں دی ابھی سے پورا شہر قلعہ بنا رہے ہیں۔

 

subscribe YT Channel install suchtv android app on google app store