ایف آئی اے کی کارروائی، جعلی ایڈیشنل سیکریٹری گرفتار

ایف آئی اے کی کارروائی، جعلی ایڈیشنل سیکریٹری گرفتار فائل فوٹو

وفاقی تحقیقاتی ادارے ایف آئی اے سائبر کرائم سرکل اسلام آباد کی کارروائی کے دوران وزارت داخلہ کا جعلی ایڈیشنل سیکریٹری گرفتار کرلیا گیا۔

ایف آئی اے نے جعلسازی میں ملوث ملزم کو گرفتار کرلیا، ملزم افتخار علی خود کو وزارت داخلہ کا ایڈیشنل سیکریٹری ظاہر کرتا تھا۔

ایف آئی اے کے مطابق ملزم نے شکایت کنندہ کو وزارت مذہبی امور سے حج ویزے دلوانے کی پیشکش کی، ملزم نے دھوکے سے 7 لاکھ روپے سے زائد کی رقم بٹوری۔

ملزم کے خلاف پیکا ایکٹ کے تحت مقدمہ درج کر لیا گیا ہے۔

subscribe YT Channel install suchtv android app on google app store