ایف آئی اے کی بڑی کارروائی، ویزا کے نام پر اربوں روپے لوٹنے والا گروہ گرفتار

ایف آئی اے کے مطابق چھاپہ مار کارروائی میں خاتون سمیت 4 ملزمان کو گرفتار کیا گیا ہے جن میں ملک بلال، عمیر کاظمی، صدام حسین اور خاتون شامل ہیں۔

ملزمان نے بیرون ملک میں ملازمت کےنام پر شہریوں سے اربوں روپے لیے اور ملزمان کیخلاف ملک بھر میں سیکڑوں انکوائریاں اور مقدمات درج تھے۔

گینگ کے خلاف ایف آئی اے، وفاق اور چاروں صوبوں میں مقدمات درج تھے۔ ملزمان کے خلاف انکوائریاں اور مقدمات گزشتہ 2 سالوں میں درج ہوئے تھے۔

ایف آئی اے کا کہنا ہے کہ ملزمان نے متاثرین سے بینک اکاؤنٹس کے ذریعے بھی رقوم وصول کیں، ملزمان سوشل میڈیا پر شہریوں کو بیرون ملک بھجوانے کا جھانسہ دیکر لوٹتے تھے ملزمان غیر قانونی ایجنسی کے نام پر شہریوں سے پیسے لے رہے تھے۔