سابق صدرجنرل (ر) پرویز مشرف کے حالیہ ویڈیو بیان کے بعد اداکارہ مہوش حیات نے اظہار ہمدردی کرتے ہوئے ان کے موقف کی حمایت کی ہے۔
سماجی رابطے کی ویب ٹوئٹر پر مہوش حیات نے پرویز مشرف کی ویڈیو شیئر کرتے ہوئے اپنے ایک پیغام میں کہا کہ ’ ایک لمحے کیلئے سیاست کو ایک طرف رکھتے ہیں۔ یہ شخص ہمارا صدر تھا جس نے ہر مشکل وقت میں ہماری رہنمائی کی۔ ہم چاہے انہیں پسند کریں یا ان سے نفرت کریں مگر یہ اپنے دفاع میں بولنے کا حق رکھتے ہیں، کم از کم ہم انہیں یہ عزت تو دے سکتے ہیں۔-
Let’s put politics aside for one moment. This man was our President & guided us through some every difficult times. Like him or loathe him, he deserves the opportunity to be heard. At least we can grant him that dignity.After all does the law not say”Innocent till proven guilty”? pic.twitter.com/ys2Sbyph64
— Mehwish Hayat TI (@MehwishHayat) December 4, 2019
اداکارہ نےمزید کہا کہ کیا قانون جرم ثابت ہونے تک کسی بھی مجرم کو بے گناہ قرار نہیں دیتا۔‘
مہوش حیات کے اس ٹوئٹ پر مداحوں نے اپنا اپنا رد عمل دیا۔
ایک صارف نے اپنا رد عمل دیتے ہوئےسابق صدر آصف زرداری کی تصویر شیئر کی اور سوال اٹھایا کہ یہ بھی 5 سال صدر رہے ہیں، دونوں کے ساتھ ہمدردی کریں یا کسی کو بھی معاف نہ کریں۔
This too has been our president for 5 years , Either mercy for both , or impunity for NONE pic.twitter.com/0jP6JGmIMc
— Amjad Malik (@AmjadMalik786) December 4, 2019
مہوش حیات نے لکھا کہ ’کوئی بھی قانون سے بالاتر نہیں، میں صرف یہ کہہ رہی ہوں کہ انہیں کم سے کم سنوائی کا ایک موقع دیا جائے۔‘
Nobody is above the law, all that I am saying is give him a chance to be heard at least. Guilt or otherwise is the decision of the courts.
— Mehwish Hayat TI (@MehwishHayat) December 4, 2019
یاد رہے کہ گزشتہ دنوں دبئی کے اسپتال میں زیرعلاج پرویزمشرف کا اپنے ویڈیو بیان میں کہنا تھا کہ عدالت میں میرے وکیل سلمان صفدر کو نہیں سنا جا رہا، ميری شنوائی نہيں ہو رہی۔
ن کا یہ بھی کہنا تھا کہ انصاف کا تقاضا پورا نہیں کیا جا رہا، ہمارے ساتھ زیادتی ہو رہی ہے۔ کم از کم کمیشن کی بات سنی جائے، امید ہے کہ مجھے عدالت سے انصاف ملے گا۔ غداری کیس میرے خلاف بے بنیاد ہے۔