پاکستانی شوبز انڈسٹری کی معروف اداکارہ علیزے شاہ نے اپنے انسٹاگرام اکاؤنٹ سے تمام تصاویر ڈیلیٹ کر دی ہیں۔ علیزے شاہ نے ایک ویڈیو پیغام میں بتایا کہ انہیں نہیں معلوم کہ وہ سوشل میڈیا پر کب واپس آئیں گی، تاہم وہ تصاویر دوبارہ واپس نہیں آئیں گی اور نہ ہی وہ خود علیزے کی وہ پرانی شکل دوبارہ ہوں گی۔
اداکارہ نے بطور چائلڈ آرٹسٹ شوبز کیریئر کا آغاز کیا اور آج کم عمری میں شوبز انڈسٹری کی نامور اور خوبرو اداکاراؤں میں شمار ہوتی ہیں۔
بہت کم وقت میں انہیں بے پناہ شہرت حاصل ہوئی، مگر وہ ذہنی تناؤ کا شکار رہی ہیں، جس کا ذکر انہوں نے مختلف سوشل میڈیا پوسٹس میں بھی کیا تھا۔
حال ہی میں، علیزے شاہ نے انسٹاگرام پر ایک ویڈیو پیغام جاری کیا اور اپنی اسٹوری میں شیئر کیا، جس میں انہوں نے اپنے فیصلے پر اطمینان کا اظہار کیا۔
انہوں نے کہا کہ انسٹاگرام سے تمام تصاویر ڈیلیٹ کرنے کے بعد وہ خوش ہیں، کیونکہ پہلے وہ خود اپنی زندگی کے ساتھ کیا کر رہی تھیں، یہ سمجھ نہیں پا رہی تھیں۔
ویڈیو پیغام کے اختتام پر اداکارہ نے مختصر وقت کے لیے سوشل میڈیا کو خیرباد کہا۔ اداکارہ کے اس ویڈیو پیغام کو مختلف سوشل میڈیا پیجز پر وائرل کیا گیا۔
جس پر صارفین نے کمنٹس میں علیزے کی ذہنی صحت کے حوالے سے فکر کا اظہار کیا۔
واضح رہے کہ یہ پہلا موقع نہیں جب علیزے شاہ نے انسٹاگرام کی تمام پوسٹس ڈیلیٹ کی ہیں۔
اس سے قبل گزشتہ سال ستمبر اور رواں سال اپریل میں بھی اداکارہ نے اپنے انسٹاگرام اکاؤنٹ سے تمام تصاویر اور پوسٹس ڈیلیٹ کر چکی ہیں۔
