مصری اداکار طارق الامیر شدید طبی بحران کا شکار ہو گئے ہیں اور اس وقت وہ قاہرہ کے ایک نجی ہسپتال کے آئی سی یو میں کوما کی حالت میں زیر علاج ہیں۔ اداکار کے قریبی ذرائع کے مطابق ان کی موجودہ حالت دل کی شریانوں میں شدید نقصان کی وجہ سے پیدا ہوئی۔ بتایا گیا ہے کہ وہ پہلے بھی دل کے مسائل کا شکار تھے لیکن اس کا انہیں علم نہیں تھا۔
چند روز قبل انہیں شدید تکلیف محسوس ہوئی اور وہ بے ہوش ہو گئے، جس پر فوری طور پر قاہرہ کے ہسپتال منتقل کیا گیا۔
ابتدائی طبی معائنے میں ان کا دل بند پایا گیا اور میڈیکل ٹیم نے فوری طور پر انہیں بحال کرنے کی کوشش کی۔
ذرائع کے مطابق طارق الامیر کا دل تین مرتبہ بند ہوا، جن میں سے ایک بار دل کی دھڑکن پندرہ منٹ سے زائد رکی، تاہم ڈاکٹرز انہیں دوبارہ زندہ کرنے میں کامیاب ہو گئے۔
فی الحال وہ کوما میں ہیں اور آکسیجن کے تحت آئی سی یو میں رکھے گئے ہیں۔
طارق الامیر نے 1990 کی دہائی میں اپنے فنی سفر کا آغاز کیا۔ 1965ء میں قاہرہ میں پیدا ہونے والے انہوں نے فلم اور ڈراما دونوں میں معاون کردار ادا کیے۔
ان کے نمایاں کاموں میں 2003ء کی فلم ’اللی بالی بالک‘ میں محمد سعد کے ساتھ افسر ہانی کا کردار، 2010ء کی فلم ’عسل اسود‘ میں احمد حلمی کے ساتھ عبد المنصف کا کردار اور فلم ’عوکل‘ میں مسعد کا کردار شامل ہیں۔
طارق الامیر بطور مصنف بھی سرگرم رہے ہیں اور انہوں نے فلمیں ’کتکوت‘، ’مطب صناعی‘ اور ’الحب کده‘ بھی تحریر کی ہیں۔
