سونے کی عالمی اور بین الاقوامی مارکیٹوں میں قیمتوں میں استحکام دیکھا جا رہا ہے۔ بین الاقوامی بلین مارکیٹ میں فی اونس سونے کی قیمت بغیر کسی تبدیلی کے 4 ہزار 065 ڈالر پر برقرار رہی، جس کا اثر مقامی صرافہ مارکیٹ پر بھی دیکھا گیا۔
آج پیر کے روز ملک بھر میں 24 قیراط فی تولہ سونے کی قیمت بغیر کسی ردوبدل کے 4 لاکھ 28 ہزار 862 روپے پر مستحکم رہی۔
اسی طرح فی 10 گرام سونے کی قیمت بھی بغیر کسی تبدیلی کے 3 لاکھ 67 ہزار 680 روپے پر برقرار رہی۔
مزید برآں، چاندی کی قیمتوں میں بھی استحکام دیکھا گیا۔ ملک میں فی تولہ چاندی کی قیمت 5 ہزار 270 روپے جبکہ فی 10 گرام چاندی کی قیمت 4 ہزار 518 روپے پر بغیر کسی تبدیلی کے برقرار رہی۔
