پاکستان اسٹاک ایکسچینج میں کاروبار کے آغاز پر تیزی کا رجحان دیکھا گیا، جبکہ روپے کے مقابلے میں ڈالر کی قیمت مزید کم ہوئی ہے۔ کاروباری ہفتے کے چوتھے روز بھی اسٹاک مارکیٹ میں شاندار کارکردگی رہی، کاروبار کے آغاز پر 100 انڈیکس میں 645 پوائنٹس کا اضافہ ریکارڈ کیا گیا۔
جس سے انڈیکس ایک لاکھ 62 ہزار 871 پوائنٹس تک پہنچ گیا۔ گزشتہ روز بھی مثبت رجحان کے باعث اسٹاک مارکیٹ نے ایک لاکھ 62 ہزار پوائنٹس کی حد عبور کی تھی۔
دوسری جانب ڈالر مسلسل کمی کا شکار رہا۔ ایکسچینج کمپنیز ایسوسی ایشن کے مطابق انٹر بینک میں 6 پیسے کی کمی سے ڈالر کی قیمت 280 روپے 60 پیسے پر پہنچ گئی۔
