نیشنل الیکٹرک پاور ریگولیٹری اتھارٹی (نیپرا) نے بجلی کی قیمتوں میں کمی کا نوٹیفکیشن جاری کر دیا ہے۔ سینٹرل پاور پرچیزنگ ایجنسی (سی پی پی اے) نے نیپرا سے فی یونٹ بجلی 37 پیسے سستی کرنے کی درخواست کی تھی، جس پر نیپرا نے 48 پیسے فی یونٹ کمی کی منظوری دے دی ہے۔
یہ ریلیف لائف لائن صارفین پر لاگو نہیں ہوگا۔
نیپرا کے نوٹیفکیشن کے مطابق، یہ کمی ستمبر کی فیول پرائس ایڈجسٹمنٹ کی بنیاد پر کی گئی ہے۔
نوٹیفکیشن میں کہا گیا ہے کہ صارفین کو یہ ریلیف نومبر کے بجلی بلوں میں منتقل کیا جائے گا، اور کراچی کے صارفین بھی اس سے مستفید ہوں گے۔
