پاکستانی روپے کے مقابلے میں امریکی ڈالر کی قدر میں اضافے کا سلسلہ جاری ہے، اور آج بھی انٹربینک اور اوپن مارکیٹ میں ڈالر مہنگا ہوا ہے۔
ایکسچینج کمپنیز ایسوسی ایشن آف پاکستان کے مطابق ڈالر مزید 18 روپے 89 پیسے مہنگا ہو کر 285 روپے کی سطح پر پہنچ گیا۔
ایکسچینج کمپنیز ایسوسی ایشن آف پاکستان کا کہنا ہے کہ انٹر بینک مارکیٹ میں روپے کے مقابلے میں ڈالر 18 روپے 89 پیسے مہنگا ہو کر 285 روپے پر ٹریڈ ہو رہا ہے۔
اسٹیٹ بینک آف پاکستان کے مطابق گزشتہ روز انٹربینک مارکیٹ میں روپے کے مقابلے میں ڈالر 4 روپے 60 پیسے مہنگا ہو کر 266 روپے 11 پیسے کی سطح پر پہنچ گیا تھا۔
دوسری جانب پاکستان اسٹاک ایکسچینج میں کاروبار کا مثبت رجحان پایا جارہا ہے۔
پاکستان اسٹاک ایکسچینج کا 100 انڈیکس 340 پوائنٹس کے اضافے سے 40 ہزار 753 پر آ گیا ہے۔
