متحدہ عرب امارات کی ریاست ابوظبی میں مسافر بس اور ٹرک میں تصادم کے نتیجے میں 6 افراد جاں بحق اور 19 زخمی ہوگئے۔
غیرملکی خبررساں ادارے کی رپورٹ کے مطابق متحدہ عرب امارات کی ریاست ابوظبی کے علاقے الرحا میں مسافر بس ٹرک میں جاگھسی جس کے نتیجے میں 6 افراد جاں بحق اور 19 زخمی ہوگئے۔
ابوظبی پولیس کا کہنا ہے کہ حادثہ جمعرات کو طلوع فجر کے دوران الرحا بیچ اسٹریٹ پر پیش آیا۔
پولیس کا کہنا ہے کہ حادثہ مسافر بس کے ڈرائیور کی لاپرواہی کے سبب پیش آیا جو ٹرک کے سامنے آکر لاپرواہی سے گاڑی چلا رہا تھا، مسافر بس کے ڈرائیور نے ٹرک ڈرائیور کو پریشان کیا اور اسے اچانک رکنے پر مجبور کیا، ٹرک کے رکتے ہی بس ٹرک سے جاٹکرائی۔
لیفٹیننٹ کرنل محمد عبدالرحیم الحسینی پولیس کو صبح سویرے حادثے سے متعلق رپورٹ ملی جس کے بعد ایمبولینس اور پولیس اہلکاروں ںے جائے وقوعہ پر پہنچ کر زخمیوں کو اسپتال منتقل کیا۔
رپورٹ کے مطابق حادثے کے نتیجے میں 6 افراد موقع پر ہی دم توڑ گئے جبکہ حادثے میں زخمی ہونے والے 19 افراد کو اسپتال میں طبی امداد دی جارہی ہے۔
