متحدہ عرب امارات میں ملازمت کے خواہشمند افراد کیلئے بڑی خوشخبری

غیر ملکی ذرائع ابلاغ کے مطابق متحدہ عرب امارات (یو اے ای) کی ایئر لائن ایمریٹس نے کیبن کریو اور دیگر متعلقہ عہدوں پر 5000 نئی ملازمتوں کا اعلان کیا ہے۔

اطلاعات کے مطابق یہ ملازمتیں ایئر ہوسٹنگ کے علاوہ ہوا بازی کے دیگر شعبوں سے متعلق ہیں۔ یہ اعلان ایمریٹس کی جانب سے اس سال عالمی بھرتی مہم کا حصہ ہے۔

ایمریٹس ایئر لائن کے مطابق A350 طیاروں کا ایک نیا بیڑا خریدنے جارہے ہیں، اس کے لئے نئی بھرتیاں کی جائیں گی، کوئی بھی فلائٹ اٹینڈنٹ اور دیگر ملازمتوں کے لیے درخواست بھیج سکتا ہے، اہلیت کے معیار کا بھی اعلان کیا گیا ہے۔

ملازمت کے خواہشمندوں کے لیے ٹیم ورک کے حوالے سے ذہنیت تیار کرنا ضروری ہے۔ خواہشمندوں کو متحدہ عرب امارات کے ورک ویزا کی اہلیت کے معیار کو بھی پورا کرنا ہوگا۔

ایئر لائن کے مطابق اس کی بھرتی ٹیمیں اس سال دنیا بھر میں 460 مقامات پر امیدواروں کی اسکریننگ اور انٹرویوز کا آغاز کرنے جارہی ہیں۔

ایمریٹس نے گزشتہ سال بھی کیبن کریو کے لیے 8000 افراد کو نوکریاں فراہم کی تھیں، اگست 2023 تک ایمریٹس کے کیبن کریو کی تعداد 21,500 تک پہنچ گئی تھی۔