امریکا سے تعلق رکھنے والے معروف یوٹیوبر انتقال کر گئے

غیر ملکی میڈیا کے مطابق یوٹیوب کے ابتدائی اور معروف کانٹینٹ کری ایٹرز میں شمار ہونے والے ڈیوڈ ایڈم ولیمز جو ایڈم دی وو کے نام سے جانے جاتے تھے ، امریکی ریاست فلوریڈا میں واقع اپنے گھر میں مردہ پائے گئے ہیں۔

یوٹیوبر رجب بٹ اور ٹک ٹاکر ندیم نانی والا اسلام آباد ہائیکورٹ پیش

اوسیولا کاؤنٹی شیرف آفس نے تصدیق کی کہ حکام کو گھر سے رابطہ نہ ہونے پر تشویش ہوئی جس کے بعد ایک دوست نے سیڑھی سے گھر کی تیسری منزل کی کھڑکی سے اندر جھانکا جہاں ایڈم کو بستر پر پڑے دیکھا گیا، فائر ریسکیو کے ہمراہ گھر میں داخل ہونے پر انہیں مردہ قرار دیدیا گیا۔

شیرف آفس کا کہنا تھا کہ موت کی اصل وجہ معلوم کرنے کیلئے پوسٹ مارٹم کیا جائیگا۔ ابتدائی طور پر کوئی مشکوک شواہد سامنے نہیں آئے۔

میڈیا رپورٹس کے مطابق ڈیوڈ ایڈم ولیمز نے 2009 میں یوٹیوب پر اپنا سفر شروع کیا ، 2012 میں انہوں نے اپنا مشہور چینل The Daily Woo لانچ کیا۔

یوٹیوب ویڈیو دیکھ کر جعلی ڈاکٹر نے خاتون کا آپریشن کر ڈالا

انہوں نے 5 سال تک روزانہ ولاگ کیے اور امریکا کی تمام 50 ریاستوں کا سفر کیا، ان کے ولاگز میں تفریحی پارکس، بھوت بنگلوں، چھوٹے شہروں اور منفرد مقامات کو دکھایا جاتا تھا۔

یاد رہے کہ ایڈم دی وو کا آخری ولاگ ہفتہ 21 دسمبر کو اپ لوڈ ہوا تھا، جس میں انہوں نے شہر کی کرسمس سجاوٹ کا ٹور کیا تھا۔